Testo di Peppino Mereu

Nanneddu meu su mundu est gai
A sicut erat non torrat mai
Semus in tempos de tirannia
Infamidades e carestias
Commo sos populos cascan che canes
Gridende forte "cherimus pane"

Famidos nois semus pappande
Pane e castanza terra cun lande
Terra ch'a fangu, torrat su poveru
Senza alimentu, senza ricoveru
Semus sididos in sas funtanas
Pretende s'abba parimus ranas
Peus su famene chi forte sonat
Sa janna a tottus e non perdonat

Cuddas banderas numeru trinta
Da binu bonu mudana tinta
Appena mortas cussas banderas
non piu's s'osservant imbriagheras
Sos tristos corvos a chie los lassas
Pieno de tirrias e malas trassas
E gai chi tottus faghimus guerra
Pro pagas dies de vida in terra